Ali təhsil müəssisələrində təhsil alan I kurs tələbələrinin universitet seçiminə təsir edən amillər: Cənub bölgəsi nümunəsi

Abstract

Bu tədqiqatda ali təhsil müəssisələrində təhsil alan I kurs tələbələrinin universitet seçiminə təsir edən amillər araşdırılmışdır. Tədqiqat kəmiyyət metodologiyası daxilində istifadə edilən anket sorğuları vasitəsilə aparılmışdır. Tədqiqat çərçivəsində data toplamaq üçün mövcud ədəbiyyat təhlil olunaraq, 2 bölmədən və 5 ballıq Likert şkalasında formasında 22 maddədən ibarət sorğu aləti hazırlanmışdır. Cənub bölgəsində fəaliyyət göstərən iki ali təhsil müəssisəsində təhsil alan 322 nəfər I kurs tələbəsindən ibarət nümunəyə tətbiq edilən anket sorğuları nəticəsində əldə edilən data t-testi və One-way Anova vasitəsilə analiz edilmişdir. Tədqiqat nəticəsində tələbə qavrayışlarına görə universitet seçimində təsirli və ədədi göstəricisi ən yüksək olan ölçünün universitetin prestiji və universitet haqqında məlumat mənbələrinin olduğu müəyyən edilib. Tədqiqatda tələbələrin demoqrafik göstəriciləri olan cins, ailənin aylıq gəliri və tələbənin yaşadığı yer kimi göstəricilərin də universitet seçimində təsirinin olub-olmaması müəyyənləşdirilmişdir.